今日第一個目的係去trickeye museum~
第二個就係去大韓民國萬歲去既正直的金先生~
第三個目的就係去食書俊書言食過既江南麵屋
首先Trickeye Museum!!! 
佢其實係弘大站，到站後去9號出口，行10分鐘就到
係Bershka同TonyMoly中間行多陣就見到，隔離係成條賣衫既街~
※ 生日當天入場者及未滿36個月的嬰幼兒可免費進場
※ 兒童、青少年(18歲以下)需出示學生証等有效証明文件
※ 各項優惠不能同時使用
性愛美術館（LOVE MUSEUM）就要另外再買飛既，8000won一張成人飛，記住18歲以上先入去架！
依家仲有個推廣，如果down Trick Eye個app，就即時減3000won！
呢個係官網既介紹：
勁得意!!!有啲又好搞笑
去完Trickeye , 唔好唔記得仲有Ice Museum, 張門票包埋既~
Ice Museum等佢一打開門, 真係凍到~完全係跑入去再跑出黎@@
不過都幾得意既
個入口個滑梯最好玩
我地係咁滑完再爬上去再滑
臨走個陣發現有event搞緊~
post張相拎埋糖^^
Trickeye特麗愛3D美術館(트릭아이미술관)
地址：首爾市麻浦區弘益路3街20 西橋廣場B2 特麗美術館
營業時間：早上９時至晚上９時 (年終無休)
官網:http://trickeye.com/seoul/tw
完Trickeye Museum之後, 都1點幾, 我地決定去食lunch
如果係<<超人回來了>>既BIG FANS
當然會記得三胞胎三個唔同性格, 但各有各可愛既地方
我記得佢地食過既餃子弘大都有一間~正直的金先生 바르다김선생
係弘大站9號出口一直行到第二個街口轉左,再行多陣就到~
其實去完trickeye, 只要去番Bershka同TonyMoly個度, 過條馬路, 再轉左, 一直行, 左邊就會見到!
佢係二樓既, 留意個陣要抬高少少個頭
呢間細細間, 唔係大既, 可能係平日, 入面冇咩客人
如果驚睇唔明韓文, 唔洗驚! 佢有中文版本架! 
我地叫左一碟紫菜包飯, 一碗冷面, 當然唔少得餃子
佢好快就上菜~~
超級好味!!!
終於明白點解大韓民國萬歲佢地4個人會喊左8籠~~~~真心好好味~
太可愛!!! 私心post多張 <3
正直的金先生 바르다김선생
地址:首爾市麻浦區西校洞486號
營業時間:10:00~22:00
食完野, 我地去左仁寺洞, 感受下文藝氣息~~
呢度賣好多傳統手工藝品，仲有畫廊同古董街...
我地行左入인사동쌈지길 Ssamziegil Mall(人人商場)
今日唔知咩事! 佢掛左啲花, 好靚!!!
好靚!!! 請無視右手邊啲藍色物體.....-.-
晚餐我地就去左江南麵屋（강남면옥）, 點解去呢間?
當然係《超人回来了》既雙胞胎-書言書俊去過XD
唔知你地記唔記得呢集...
佢地食得好滋味!!!
睇下佢地食個碟係咩先?就係呢碟燉排骨!!
睇外觀已經覺得好好食!
入面都算大, 除左普通枱, 佢仲有呢啲傳統既枱~
我地一見到呢種, 即刻跑左去坐xd 超級正!
我建議大家都試下坐呢啲!!!
呢個係各菜單既價錢$$$
我地黎呢度當然要一個燉排骨啦! 佢有分細中大三個size~
我地兩個女仔, 叫左個細! 其實細對於兩個女仔已經好足夠:D 佢唔係好細份架炸~
除左燉排骨, 其實呢度既冷麵都幾出名架! 未夠飽既, 可以喊埋呢個!
佢原來仲有湯迣送添 <3
呢碟燉排骨賣相已經好吸引! 個味道不得了!!! 真心好好味!!!!!
一舊骨大過我地塊面^^
叫細份既我地已經食到超飽xd 唔夠一個鐘已經食晒TT
如果你係食開多野既, 可以叫大份啲既!!!!
江南面屋 仁寺洞店
地址: 首尔特别市钟路区仁寺洞街18 서울특별시 종로구 인사동길 18
交通: 地鐡3號線安國(Anguk)站6號出口，入左仁寺洞大街, 行8分鐘一直向前走差唔多走到街尾, 就會見到佢係左邊
營業時間: 11:00～22:00 (全年無休)
留言列表
